《旅遊》.未坐到?唔緊要!我地帶大家睇國泰新空中跑車「A350」|Lifehubs 旅遊

《旅遊》.未坐到?唔緊要!我地帶大家睇國泰新空中跑車「A350」|Lifehubs 旅遊

2016-06-05 0 By 迷你兵

國泰航空引入最新空中巴士公司最新款的廣體客機A350,琴日正式抵港,6月1日就開始首航至馬尼拉。實地睇過之後覺得客機的商務和特選經濟客艙的座椅間距比之前增闊,但係座椅寬度卻變窄,小編再肥d都會夾屁股。客機仍保留有4張商務客位的座椅,但未獲美國聯邦航空管理局及歐洲安全航空局的認證文件,所以擺住先,係地下可以試下坐,而上到天始終未獲批准使用,但國泰相信有關問題將於短期內解決。

未坐到?唔緊要!我地帶大家睇國泰新空中跑車「A350」 (5)

國泰的Robert Taylor指,A350 客機是國泰現有機種中最先進的廣體客機,他形容公司由擁有「巴士」之稱的(波音777-300ER客機)升級到叫做「跑車」(A350客機)。該新型客機除了有用碳纖維和鈦金屬製成的機身外,更採用了勞斯萊斯Trent XMB型號引擎,屬同類型航機中最寧靜,更可令燃油效益提升25%。新客機的3個客艙總共提供280座位,包括38個商務客位、28個特選經濟客位,及214個經濟客位。講甘耐到大家最想知既內部, 而新款的A350的座椅間距和寬度,亦跟主要對手波音777-300ER客機有所分別。客機商務艙座位的間距由43吋增至45吋,但座椅闊度則由21吋減至20.2吋;特選經濟艙座椅前後間距雖由38吋加至40吋,惟闊度同樣減少,由19.3吋降至18.5吋,椅背下調幅度料8度升至9度,雖然經濟艙座椅的前後距離沒有改變,但闊度亦減少了半吋至18吋。頭先都提過, 客機的座椅認證問題並未完全取得認證文件, 所以有部份座位未能售票予乘客。國泰高層表示並非因座椅品質未達到標準,只是每張座椅的檢驗時間都有所不同,取得有關文件需時,亦指有關的問題有信心在短期內解決。飛機上的尚未取得認證的座位分別為12A、12K、20A及20K。

國泰會在今年至明年會完成接收22架A350-900客機,主要會負責一班即日往返馬尼拉的航班,今年第三季開始,將會涵蓋倫敦蓋特威克和德國杜塞爾多夫等長途航班;2018至2019年則會接收餘下26架較A350-900長7米的A350-1000客機, 接收曬D新機, 油費又節省左,機票唔知會唔會平D呢…小編一直都係甘諗……….

未坐到?唔緊要!我地帶大家睇國泰新空中跑車「A350」 (1) 未坐到?唔緊要!我地帶大家睇國泰新空中跑車「A350」 (2) 未坐到?唔緊要!我地帶大家睇國泰新空中跑車「A350」 (3)