行程推介潮玩4日3夜自駕遊岡山|LIFE HUBS

2016-09-03 Off By 迷你兵

香港航空新出既直航岡山機票，又多個藉口去日本探索下新地方，以下是小編推薦既行程比大家參考下有咩玩！

==============================================
航班資料: $2050/每人(連稅連23KG 行李)
香港岡山 1050 1530 (逄星期一﹑五有航班)
岡山香港 1630 1905 (逄星期一﹑五有航班)

==============================================
酒店: $450/晚 (不包早餐)
APA酒店 – 倉敷站前 (APA Hotel Kurashiki-Ekimae)
地址: JR-Kurashiki Ekimae Nishi In Building 7-2,Achi, Kurashiki-city,
就算唔自駕遊，呢個酒店都好方便，距離倉敷站只需要1分鐘步行路程，非常方便！
距離機場: 40分鐘(自駕) / 1小時(岡山機場交通車；費用：¥1,080)

==============================================
租車: Rentalcars.com
3日2夜租車$1360(第一日唔需要租車，因為沒有特別行程，如最後一日都唔需要用車，價錢仲可以平多$300)

[AdSense-A]
==============================================
推介行程：
香港岡山 1050 1530
如果搭岡山機場交通車，大約1小時，費用：¥1,080

Check in 完酒店之後，到倉敷美觀參觀，由酒店行去倉敷只需要12分鐘

見到水街就到倉敷美觀，倉敷係舊時既米糧集運港，「倉敷美觀地區」係指古運河所形成既水街，倉敷美觀地區保存傳統建築物同時新建左遊客設施，新舊融合一齊，別有番風味。

每逄櫻花季節，運河兩旁都開滿櫻花，吸引好多遊客去!

晚上到超市買野食，由酒店行去超市只需6分鐘，超市叫做イトーヨーカドー食品館倉敷店，係車站附近，非常方便，同平時既超市一樣，有野飲﹑日常用品﹑熟食，最特別係每個月幾日會做唔同既discount，去既時候可以留意下。

[AdSense-B]
————————————————————–
第二天行程:

酒店出發 > 阿智神社 (只需8分鐘車程) > 香川金刀比羅宮途經世界最長吊橋- 瀬戸大橋(約１小時車程) > 桃太郎神社(約50分鐘車程) > 鳴門海峽大橋 (約１小時３０分鐘車程）> 回酒店(約２小時車程）

阿智神社
阿智神社有超過1700多年歷史既神社，位於鶴形山山頂，係古時主要祭拝三位女神－天照大御神、素盞鳴尊之娘神、海の守護神，呢三位女神係保祐生意隆、健康平安。每年５月都會吸引大批遊人參觀神社，能夠吸引遊客慕名而來既係岡山縣天然記念物之稱的「アケボノフジ」（紫藤），呢種紫藤相當稀有，阿智神社紫藤更係全日本第一之稱，因為佢可以生長到高達1.5公尺。每一張相都以紫藤為背景，打卡呃LIKE 一流!

[AdSense-C]
香川金刀比羅宮途經世界最長吊橋－瀬戸大橋
瀬戸大橋係世界上最長吊橋，主要道路連接岡山縣和香川縣。有D似美國既金門大橋，係到影返張靚相都唔錯！

影完相之後就出金刀比羅宮位於香川縣西部象頭山山腰上，金刀比羅宮供奉著“金毗羅”而聞名，佢係代表海上既守護神，主要治療疾病、消災避禍、帶來好運。亦被稱為最難參拜既神社之一，點解？點解既？點解既？點解既？因為你上去神社前，首先要行1368級樓梯先！少D腳骨力都唔掂呀!沿途可以欣賞岡山市風景!

桃太郎神社(吉備津神社)
岡山必去既神社之一，佢最出名既係一個降妖除魔既傳說-《桃太郎》故事。最先開始是將神殿（主要的建築物）建於吉備津彥命的宅邸遺址。樹齡千年以上的平安杉是吉備津彥神社的象徵。境內的子安神社是知名的求子、安產之神。停車場的桃太郎像是熱門的拍照景點！

[AdSense-A]
去神社緊係要買返個御守符拉! 如果購買紅白的御守或桃子形狀的消災除厄御守等開運商品，運氣也會提升！

鳴門海峽大橋
一個非常出名既自然現象，“鳴門海峽”時速高達10.6海裡（約20km/ｈ）佢點樣形成架？同當地獨特地形有關，海峽中央主流部分深達100米，流速非常快。而兩岸卻是淺灘，流速較慢。當海流的速度差使兩岸速度慢的海流逐漸被主流吞噬，甘就會形成漩渦。想近距離觀賞大自然傑作，可以選擇搭觀光船前往！

[AdSense-B]

——————————————————————
DAY 3:
酒店出發到桃茂實苑(40分鐘車程) > 安富牧場(30分鐘) > 笠岡灣農場 (50分鐘)

桃茂實苑
去到日本，唔食生果真係對唔住自己，平時係香港買日本生果幾貴，去到日本緊係食到夠拉！識食，一定係搵即摘即食！又可以體驗下摘生果，又可以即刻食，正！小編今日要介紹既係桃茂實苑果園，￥1800起就可以試到岡山的「味道日本第一」白桃! 岡山白桃香氣四溢、又甜又多汁! 去岡山必食! 想去試食唔同生果，記得check 清楚水果當造月份!!

兩款日本生果小資料：
岡山縣亞歷山大提子　（必食：＊＊＊＊＊）
日本提子之中以巨峰最享負盛名，而[葡萄之后]亞歷山大提子其實一樣 fans 眾多！晶瑩剔透的青葡萄以偏黃為上品，黏著白色果粉代表愈新鮮。滲著淡淡桂花清香，果皮脆薄可連皮同吃，甜度約 13 度清甜多汁，果肉爽滑味道較巨峰更大眾化。

爆汁清水白桃（必食：＊＊＊＊＊）
岡山縣盛產清水白桃。果皮和果肉都呈淡黃或乳白色。頂部帶有紅暈，纖維少而果肉極豐富，甜度雖高但味道較清。表皮洛帶軟腍代表已經成熟可供食用。

品嚐時期: 白桃：6月下旬～8月下旬葡萄：4月下旬～11月下旬亞歷山大麝香：5月下旬～11月中旬草莓：12月～5月
採摘水果: 白桃：7月上旬～8月下旬葡萄：8月下旬～9月中旬亞歷山大麝香：9月上旬～10月中旬草莓：12月～5月

桃茂實苑
營業時間: AM 9:00 – PM 4:00 (期間中無休息)
地址: 〒709-0817　岡山県赤磐市上市218-1

安富牧場
日本牛奶雪糕出哂名香濃幼滑，點可以唔食呀！距離果園30分鐘車程既安富牧場，用自家牧場出產新鮮牛奶製作雪糕，香濃幼滑! 又岩親子一齊去，事關安富牧場可以安排揸牛奶活動，大人小朋友都岩玩！

安富牧場ファミーユ
地址：岡山県岡山市北区下足守402-3
TEL（086）295-0394
営業時間：3月～10月　10：00～18：00

笠岡灣農場
食完雪糕就出發去笠岡灣農場，車程約50分鐘，呢個笠岡灣農場最出名既係睇一望無際既花田! 每逄 7 月下旬到 8 月中旬，100 萬株向日葵隨風綻放，緊係要影相擺上FACEBOOK呃LIKE 拉!除左向日葵之外，3月－4月可以欣賞油菜花、5月可以欣賞罌粟花、10月可以欣賞大波斯菊，隨著季節迅速變成一整片色彩鮮艷的花田。想影花天花地花海，記得留意月份拉！