台灣人極力推介十大人氣必喝黑糖珍奶 | LIFE HUBS TRAVEL

台灣人極力推介十大人氣必喝黑糖珍奶 | LIFE HUBS TRAVEL

2018-09-12 Off By 迷你兵

近排Facebook / IG 都勁多人post 黑糖珍奶,香港熱門嘅有老虎堂﹑幸福堂﹑鹿角巷等等。去到台灣就緊喺要飲返杯啦!台灣人最愛飲珍珠奶茶,佢地又會覺得邊間最好飲呢?以下十間喺台灣人極力推介十大人氣必喝黑糖珍奶!Bookmark 定下次去台灣記得試下啦!

沐白小農


店面走文青路線,藍白店面已經好啱打卡影相,招牌嘅黑糖波霸鮮奶強調不加任何一滴水,淨喺用鮮奶同黑糖波霸,打造出招牌黑糖波霸鮮奶!

沐白小農 – 沐白黑糖波霸鮮奶@TWD 65

地點: 桃園市中正路40號(PSGB服飾店旁)
Facebook: 沐白小農


黑老大-黑糖波霸鮮乳

黑老大每日堅持手炒黑糖,加上好市多鮮乳,令口感濃郁再配上黑糖珍珠的彈牙,簡直無得頂,而且黑老大堅持使用每日新鮮黑糖,如果1.5小時未賣完即丟棄,再做新嘅黑糖珍珠,務求令每位客人都食到新鮮彈牙嘅黑糖珍珠。

黑老大 – 黑糖波霸鮮乳@TWD 45

地點: 高雄市新興區文橫一路17號
Facebook: 黑老大-黑糖波霸鮮乳


老莫的奶舖

老莫的奶舖原址喺「青蛙撞鮮奶」,除咗人氣黑糖珍珠鮮奶之外,仲有紅蛙撞奶同埋綠蛙撞奶,鮮奶再配上紅豆﹑綠豆,口感再加多一個層次。

老莫的奶舖 – 青蛙撞鮮奶@TWD 45

地點: 台中市龍井區臺灣大道五段三巷49號
Facebook: 老莫的奶舖



回春堂

回春堂,顧名思義店面用中國風裝潢,每杯飲品都配上一張揮春。回春堂每日堅持手炒黑糖珍珠,每粒珍珠都Q彈,店家建議1.5小時內盡快飲用,以保持高質珍珠Q彈。

回春堂 – 惡魔珍珠鮮奶@TWD 50

地點: 高雄市前鎮區瑞隆路399號
Facebook: 回春堂惡魔珍奶


清水森及茶

清水森及茶喺當地人氣之選,店家每日喺facebook都會公布黑糖珍珠出爐時間,以免大家等候過長,店家亦溫馨提醒先吸一啖黑糖波霸,先感受溫熱嘅珍珠與焦糖嘅配合,再搖一搖先飲。

清水森及茶 – 惡魔波霸珍鮮奶@TWD 50

地點: 台中清水區中華路450-7號(清水麥當勞跟楓康超市對面)
Facebook: 清水森及茶

良辰吉時

由藝人納豆所開設嘅茶飲專賣店,除了花杯超吸引人外,堅持使用台灣本地小農茶葉﹑小農契作鮮乳﹑媽媽手工珍珠,務求令客人享受高質素飲料。近期推出咗人氣黑糖厚鮮奶,面頭有一層厚厚嘅黑糖粉,令您有double 層次口感。

良辰吉時 – 髒髒茶@TWD 55

地點: 台北市大安區大安路一段51巷21號之6
Facebook: 良辰吉時

Z茶舖

因為太多人排隊嘅關係,店家要出動到網上預約先可以解決長時間等候,招牌主打黑糖波霸鮮奶,香濃鮮奶加上彈Q黑糖波霸,唔怪得甘多人排隊試啦!

黑糖出爐時間: 12:30 | 15:30 | 18:30

Z茶舖 – 黑糖波霸鮮奶@TWD 50/M TWD75/L

地點: 台中市太平區樹德路12-2號
Facebook: Z茶舖


 

李圓圓Bubble Lee

最早期嘅黑糖珍珠奶茶就喺位於淡水老街 – 李圓圓 Bubble Lee,依家熱門超人氣首選黑糖圓圓純鮮奶,每日即場手炒黑糖珍珠,佢哋使用純黑糖直接蜜製黑糖珍珠,而且一賣哂就會即刻再煮,如果兩小時未賣完就會丟掉,務求各位可以食到新鮮嘅珍珠。店家依家仲推出黑糖珍珠鮮奶2.0,就喺鮮奶比例會加多30%!

李圓圓Bubble Lee – 黑糖珍珠鮮奶@TWD 50
黑糖珍珠鮮奶2.0 @TWD 60

地點: 淡水區公明街16號
Facebook: 李圓圓Bubble Lee

茶本味無做作好茶

本身做茶起家嘅茶本味,過去主打芋頭相關飲品,近期都推出咗黑糖奶霸,每日限量販售!

茶本味無做作好茶 – 黑糖鮮奶茶@TWD 65

地點: 台中龍井區都會南街46號
Facebook: 茶本味無做作好茶

康青龍人文茶飲

康青龍人文茶飲對茶嘅堅持,可以喺menu 見得到,佢哋用伯爵紅茶、鐵觀音、大吉嶺等,強調呈現真實嘅自然茶香,近期都推出了黑糖珍珠鮮奶茶,除咗有香濃滑順嘅黑糖珍珠之外,仲有濃郁茶香。

康青龍人文茶飲 – 黑糖鮮奶茶@TWD 65

地點: 台北大同區長安西路55號
Facebook: 康青龍人文茶飲