快閃台北36小時之旅 | LIFE HUBS TRAVEL

快閃台北36小時之旅 | LIFE HUBS TRAVEL

2018-09-22 Off By 迷你兵

眼見Asia Miles 9月到期,又搵唔到啱嘢換,不如換張台北機票近近地放下假,一於嚟個快閃台北36小時為我呢個打工仔小編打打氣!珍珠奶茶﹑夜市我嚟啦!今次去台北點會唔飲珍珠奶茶吖! 今次一於試哂網上推介嘅黑糖珍珠鮮奶,嚟一個battle 睇下邊個最好飲!!

航班:

CX 408 香港 台北 2250/0040+1

CX 473台北 香港 1845/2045

酒店: 台北酒店推介 – 丰居旅店北車館

丰居旅店北車館 $4XX – $5XX/晚
地址:台北市重慶南路一段60號
酒店樓下有一間Family Mart,屈臣氏,由台北車站行去大約10分鐘路程,由酒店行去西門町大約10分鐘

交通:
一落機就搭國光客運1819 出市區,車程大約1小時,費用TWD 140/位
國光客運: 詳情

一起身就緊喺食返個豐富嘅早餐啦!上引水產「台灣小築地」喺一個超大型漁市場,您可以喺到買魚生﹑熟食,再去立食居享用。

活體水產區

一入去就見到唔同嘅海鮮,有長腳蟹、龍蝦、生蠔等等。

魚生區
見到林林總總魚生,價錢同香港差唔多,但份量就比香港大好多了!

熟食區
除左魚生之外,仲有熟食區,有唔同嘢食比您揀,燒魚﹑魚餅等等!

買咗早餐

上引水產
網站: 按此
地址:台北市民族東路410巷2弄18號
營業時間 06:00-24:00
前往方法:乘捷運天宮站3號出口,沿松江路往民族東路直行。
由酒店搭的士到上引水產約10分鐘車程,TWD 220

消費提醒
上引水產全區採現金付款,不提供信用卡服務。
除樂烹火鍋區可電話訂位外,其各區皆須現場候位。
餐飲區域各自獨立,非該區商品請勿帶入食用。

食飽飽之後緊喺去西門町開始珍珠奶茶battle同埋買手信啦,的士司機介紹當地人會買50嵐嘅珍珠奶茶,估下小編一日飲咗幾多杯珍奶?

買咗M 波霸奶茶 (TWD 40) ,比香港果間更加好飲,奶滑茶香,珍珠大小適中,夠哂煙韌,價錢只不過係香港1/3!

推介指數:✿✿✿✿ (5分最高)

50嵐
網站: 按此

扭蛋街

鐘意扭蛋嘅您就一定要到西門町﹑台北車站地下街Y -11 & 13區,有林林總總扭蛋機!JPY 300 嘅機大約TWD50 左右就扭到,原本小編想要小新特別版,但無哂貨,唯有下星期去高松睇吓有冇。。。

康是美

去台北就一定要去康是美買藥妝,雖然大部分都可以喺香港買到,但都忍唔住入去睇吓有咩買。

多款資生堂潤唇膏 TWD 108


來自德國嘅彩妝,行平價路線,胭脂同Highlight 都幾出色,大家去到可以入手,TWD 119 起,價錢唔貴。

Hello Kitty沐浴綿 TWD 129

Family mart 必買

去到family mart 就一定會望望飲品櫃同埋雪糕,睇吓有咩新嘢食。聽朋友講珍珠奶茶雪糕好好食,很可惜果日已經食到好飽,下次再試吓先!

見到呢個嘢飲櫃有種莫名興奮嘅感覺,好想樣樣都飲。

小時厚奶綠 TWD28

小時厚咖啡 TWD28

花羨沐嵐鮮果茶

花羨沐嵐主打台灣茶葉crossover 新鮮水果,調配出最適合比例的鮮果茶。呢間出名飲水果茶,緊喺試返杯沐嵐水果茶 TWD60,有熱情果、橙喺上面,水果味好重,飲咗咁多杯珍奶,飲返杯水果茶balance 返!

小農沐場黑糖珍珠鮮奶
台灣人極力推介十大人氣必喝黑糖珍奶

呢間不得了,門口已經好啱打卡,白牆藍字,再加返杯黑糖珍珠鮮奶,不得了。暫時飲咗咁多杯,呢杯最正!但一陣去埋幸福堂、老虎堂試埋先知邊個贏!

世運食品

歷史悠久嘅麵包店,源自1950年,呢間麵包店除咗麵包之外,鳳梨酥都好出名,曾榮獲2005年第一屆菠蘿狂想曲冠軍、2007年及2008年連續二屆榮獲台北鳳梨酥文化節鳯梨酥達人競賽冠軍;所以買鳳梨酥做手信不妨試吓呢間。除咗鳳梨酥之外,必定要試埋滷水熟食!超入味!

網話:http://www.olympiafoods.com.tw

Tomod’s 必買

台灣都買到好多日本藥妝,日本近期好熱門嘅彩妝、護膚品 – Chifure,Tomod’s都有齊哂,最熱賣喺#744唇膏。資生堂睫毛夾超抵價,仲平過香港!另外,必買牛奶妹限定化妝品!

幸福堂

幸福堂標榜古法手炒黑糖,所以點餐台旁邊都有一個好大炒珍珠爐,店員即場將珍珠同黑糖一齊炒,幸福堂飲品有一個特別地方就是要攪18下先可以飲,凍凍地黑糖珍珠會更Q彈,但記得哦,無得少冰少甜。

焰遇幸福黑糖珍珠鮮奶茶 TWD 50

饒河街胡椒餅

連CNN都評鑑胡椒餅為台灣十大美食之一:當然要試吓啦!外皮超酥脆再加埋肉餡、青蔥、黑胡椒,辣辣地又多肉汁,超好食!

胡椒餅 TWD 50

士林夜市

十年前第一次去台北,之後都無去過台北了,想睇吓當時地標性夜市依家變成點。去士林夜市記得喺劍潭站一號出口行10分鐘左右就到。可惜當日落超大雨,好多都無開;新士林市場美食區喺B1 ,可搭手扶梯直落去。

依家變成一個好普通嘅地下食街,無咗以前夜市嘅特色,有D似廟街。求其揀咗間最多人食嘅。


魯肉飯 TWD 25,同小編記憶中唔同味。伏了。

咸蜆仔 TWD 70 有D似韓國醬油蟹
蚵仔煎 TWD 65
臭豆腐 TWD 50,幾特別,入面有洋蔥碎,口感幾好

行返出去士林大街,繼續掃街!

見到呢間杏鮑菇勁多人排隊,又去試吓先,TWD 100/份,可以揀兩種味!今次試咗4 & 6,估唔到同檸檬幾夾,幾好食!孜然粉落太多,反而無麥特別。

之後過咗對面買個章魚足 TWD 50

寧夏夜市

寧夏夜市位於台北市大同區寧夏路,由中山站行幾分鐘就到。 呢個夜市喺當地人必去老牌夜市之一,雖然範圍唔算大,但保留好多特色美味小食,呢個夜市仲投票成為「最好逛夜市」、「最美味夜市」、「最有魅力夜市」、「最環保夜市」及「最友善夜市」冠軍。 由於當日落大雨,無麥人流,食咗個炸雞就轉戰家樂福買嘢。

台北西門町家樂福 — 24小時超市瘋狂買手信

識去緊喺去24小時果間啦,可以慢慢行!上網見好多人推介566香水能量洗髮露,因為陣香味同Jo Malone英國梨與小蒼蘭好相似,但價錢相差好遠,約HKD$40-50左右,除咗呢個牌子之外,台灣美吾髮洗頭水都好香,而且喺無矽洗髮水,對頭髮減少傷害!

另外一個受歡迎嘅就喺沖涼液,特別推薦澡享玫瑰風信子沖涼液,清新又濃郁玫瑰味。

家樂福桂林店
地址:台北市萬華區桂林路1號
電話:+886-02-2388-9887
Facebook:家樂福 Carrefour Taiwan
交通:捷運西門站一號出口步行約5分鐘
營業時間:24小時營業

夯肉殿 — 炭火燒肉

夯肉殿主打任食,價位有$498、$598,一開始會有基本盤,牛五花、梅花豬等等!

黑胡椒、椒鹽、芥末椒鹽、紅椒粉!

夯肉殿炭火燒肉吃到飽
地址:台北市萬華區漢中街42號3樓

老虎堂

我諗唔洗介紹,大家都知呢個品牌!飲哂咁多個牌子,小編好滿足!

成個Trip 都未食過牛肉麵,好彩去到機場lounge可以嘆返碗!牛肉超淋!湯底好正!

買咗好多唔同牌子嘅鳳梨酥!大滿足!