高松4日3夜打風之旅 – Day 3~4 | LIFE HUBS 自駕遊

高松4日3夜打風之旅 – Day 3~4 | LIFE HUBS 自駕遊

2018-10-21 Off By 迷你兵

睇片: Youtube

高松4日3夜打風之旅 – Day 1~2

第三日行程
颱風最接近高松嘅一日,酒店樓下商場同埋商店街都關咗,本身諗住都喺酒店到HEA,落樓買嘢食果陣問吓酒店職員,原來遠少少嘅Aeon mall 有開(因為喺大型商場),一於出發行吓街HEA住呢個落雨天!

日本提子真喺食極唔厭,又買多pack 返酒店食!


每樣買一款做宵夜!

 

原來AEON 有個DIY 區,好多靚布,每塊JPY 300左右,鐘意DIY嘅朋友仔可以去望吓!

 

food court 都喺食拉麵為主!


食飽飽緊喺繼續行街啦!見到間高達玩具店即入去望吓,大人買玩具喺為咗滿足小時候嘅夢想XD

口福堂,小編見到個名幾得意就買個嚟試,喺栗子加蕃薯整嘅甜品,啖啖都喺栗子蕃薯肉,唔怪得甘多日本人排隊買。

 

 

入咗7-11買嘢飲,順手望吓有咩新嘢食!

#1 | 蕃薯CREAM 包,超香蕃薯味,必試!


#2 | 勁咸又硬薯片,伏!

#3 | 好濃綠茶味

#4 | 好濃牛味薯片,可以一試!

#5 | 好重牛奶CREAM味,小編比較鐘意蕃薯味多點點~

#6 |  Lifestyle “Jump Umbrella  “縮骨傘

點解佢咁出名?事源呢把傘獲選日本Good Design Award 2016 Best 100,Designer知道各位會將把傘勾喺平面嘅地方,所以設計咗小斜面傘柄,可穩固勾喺各種平面上。除咗呢樣之外,仲用咗強韌物料製作骨架,更能抵擋強風,都喺HKD$1XX就有啦!


#7 | 7 Lifestyle “Jump Umbrella 70cm “長傘

 

 

行完街都喺時候諗吓食咩dinner,嚟到日本一定要食燒肉啦!所以就去咗呢間焼肉きんぐ 高松上天神店食放題!JPY 2680 可以任叫58樣食物,而JPY 2980 可以任叫100樣食物,咁我地緊喺試咗JPY 2980啦!唔識日文唔緊要,用tablet 叫肉就可以了,睇吓有咩食先!


每份肉都幾大份,可以叫左一份先,之後再加單!

超香!!每款肉其實都好好味,食燒肉最緊要叫白飯同埋紫菜!超正!

海鮮反而麻麻地


焼肉きんぐ 高松上天神店
香川県高松市上天神町字源太也218-1

第四日行程

颱風過後,陽光普照!本身諗住去金比羅神社,但又怕唔夠時間,加上前幾日天氣唔好,所以無去到金比羅神社,唯有下次去岡山時再去參觀啦!去唔到金比羅神社,咪去栗林公園!

栗林公園,喺日本其中一個"國之特別名勝",亦喺高松歷史文化上一部分。 栗林公園喺光2009年米芝蓮觀指南中,被評為「值得專程探訪的景點」並獲得最高等級3星評價。一去到門口就感覺到古色古香!


原來仲可以坐船遊覽栗林公園!JPY 610 @ 人

栗林公園喺日本四國最出名庭院之一,外號"一步一景"。栗林公園分為南、北兩邊,南庭為迴遊式庭園,北庭近代準洋式庭院。喺全日本被指定為特別名勝庭園之中最大!

栗林公園以紫雲山為背景,由6個水池、13座假山同埋10幾個亭閣而成,由日本江戶時期就一直聞名至今。

栗林公園其中一樣最出名同埋最珍貴就喺鶴龜松、箱松、屏風松等松樹,每棵樹齡超過一兩百年以上,每日細心照料,每棵優雅古典,令人可以放鬆心情!


靚天氣﹑靚景再加埋雀仔聲,令人放鬆哂心情!

喺栗林公園最南邊南湖畔掬月亭,喺欣賞靚景嘅最佳景點,原來以前喺招待貴賓賞景品茗嘅茶屋,如果想坐低慢慢欣賞美景,可以去掬月亭品嘗綠茶同埋栗子點心!除咗呢到之外,喺其他地方都有小食店坐低欣賞美景!

又可以選擇搭日式小船遊南湖,每次三十分鐘。大人 JPY 610,兒童 JPY 300,每30分鐘一班船。


恋ツツジ(戀愛杜鵑)喺戀人聖地,中間有一個心形杜鵑樹,也有傳是園丁不小心剪成心形然後決意保留的
大家去高松,不妨去感受吓寧靜景色!

去完栗林公園都接近lunch時間,就去咗一間地道手打烏冬

四國最出名就喺烏龍麵,緊喺食返碗最地道啦!距離栗林公園大約5分鐘車程(10分鐘腳程)嘅松下製麵所,1966年到依家!呢到烏龍麵咬起嚟充滿彈性,因為松下製麵所強調要食烏龍麵原味,所以調味喺好簡單醬油加蔥或者炸天婦羅碎。

松下製麵所最特別之處喺自己淥烏龍麵!(當然已經淥熟咗,只不過喺再整返熱去啦!)再自己揀配料同埋湯底,食完之後記得自行清理好碗筷呀!點餐好簡單,同店主請要幾多球麵,例如:1球麵(1⽟,音:I CHI TA MA)或是2球麵(2⽟),然後可以點炸天婦羅,之後再淥一淥,加湯﹑調味料!

松下製麵所 (Matsushita Seimenjo)

地址:〒760-0008 香川県高松市中野町2−2
營業時間:7:30-17:30
定休日:週日
電話: +81-087-831-6279
網址:http://www.matsushita-seimen.jp/index.html
FACEBOOK


食完之後就去咗碼頭欣賞瀨戶內海,對面就喺小豆島,可惜唔夠時間去。小豆島喺香川縣內擁有最大面積離島。由高松出發,搭船大約1小時左右就到,小豆島喺魔女宅急便真人版的世界,可以畀遊客體驗橄欖種植歷史、品嘗橄欖油美食,仲有"魔女宅急便"真人電影版嘅攝影地點!仲有另一樣好出名就喺"天使之路"只有喺退潮時候先會出現沙道,連接住小豆島同埋其他島。傳說話如果拖住另一伴之手一齊行沙道就能實現願望!

臨去機場前都要去返最後一轉超市衝刺!睇吓小編買咗D咩先!大部分都喺秋天限定同埋特別口味!