POKEMON GO宵夜補給站!荃灣荃興徑小夜市｜LIFE HUBS

放暑假，緊係周圍去捉精靈拉，識玩一定係搵埋補給站，唔係比精靈果D，係比訓練員既補～給～站！今日，小編要介紹荃灣補給站比大家！荃興街位於昌泰街既交街，每晚都吸引好多人黎食宵夜掃街！小編今晚捉唔到卡比獸，要補給下自己！

一去到荃興街，就要試下呢間「泰特色」買泰式糕點食，每件約$5，大大件，好抵食！小編特別推介椰青糕﹑椰汁紅豆糕﹑芒果糕！椰青糕清甜又多椰子肉；椰汁紅豆糕勁香椰汁味，加埋大大粒既紅豆，好有口感；芒果糕用香滑椰汁配埋芒果粒，椰香又有芒果味，好正呀！小編仲買左半打比屋企人食！

大大件，又抵食！！！

[AdSense-A]

除左小編買果3隻之外，仲有芋頭糕﹑西米糕﹑桂花糕﹑珍多糕，仲有個好特別既蛋花糕，次次小編都買唔到，下次買到再同大家些牙下～！

再轉入去，就係另一條食街，仲有到有妤多人出黎搵食!

見到好多人排隊買豆腐花，兩間都係賣豆腐花，兩間都係賣$5，小編都唔執輸去排下試下係咪甘好味，兩間豆腐花份量差唔多，但贊和就比較滑同埋重豆味，除左豆腐花之外，仲有其他糖水MIX AND MATCH ，小編見好多人都買左芝麻糊食，下次又試下先！

[AdSense-B]

食完豆腐花就聞到一陣好香雞蛋仔味，就過左去龍津買雞蛋仔食，$8/底，抵到爛！水準都係旺角果間好食D，蛋香味重！魚蛋燒賣買一送一，勁抵食！

食飽飽再行前D，見到其他小食店，下次試下先！呢個捲餅好似好好食甘。。～下次一定要試下黃金魷魚粒! 試下係咪甘好味先~~

食飽飽繼續行街，見到好多圍住一檔MON 貼，小編唔執輸都會望望有咩賣！見到$30 包貼! 好抵呀!!!有唔同型號同埋款比你揀，呢個價抵玩！淘寶買完連運費都唔得拉！

[AdSense-C]

行到街尾見到呢間流心多士，下次小編要餓住黎行下先。。。。