高松4日3夜打風之旅 – Day 1~2 | LIFE HUBS 自駕遊
2018-10-17今次去高松喺見到HK EXPRESS 有平機票先決定去，2個人$2700機票連稅連行李。高松位於香川縣北部、面對瀨戶內海。高松作爲四國嘅交通重地，由高松車站可以出發到四國各地，高松港仲有渡船去瀨戶內海各島。但天氣不似預期，本身計劃咗高松+岡山，但由於颱風澤美小姐到訪，所以要改行程，去唔到岡山改去輕輕鬆鬆hea一日。
航班:
UO514 香港/高松 1000/1440
UO515 高松/香港 2005/2305
酒店:
第一晚：琴平花壇(傳送門)
第二﹑三晚：DAIWA ROYNET HOTEL TAKAMATSU (傳送門)
拎完行李一出嚟就見到租車公司，今次揀咗Budget 4日3夜Suzuki k car，都喺HK$800！
喺隔離有售票處買車出市區
之後坐租車公司車出去停車場拎車～
2個人夠哂用！
拎車後第一站緊喺去超市入定糧食，因為溫泉旅館附近無得買嘢食，要買定生果做宵夜！
喺Aeon見到提子JPY 980 即買咗一pack返旅館慢慢嘆！P.S 因為提子當造，超市仲會好貼心寫埋糖度畀您睇！
甜到不得了！去日本食生果做宵夜真喺好健康！
因為未食lunch 順手買埋炸雞
每次去日本都會買嘅布甸！ 
呢個限定太咸了又太硬，有伏嘅感覺。。。
由於仲未食lunch，所以求其入咗王將食咗個 JPY 1000 set 有一碗拉麵﹑一碗炒飯﹑半打煎餃子！個炒飯超好食，HK$70有咁多嘢都幾抵！
之後又去多一個超市睇吓有咩買，去日本買藥妝是必須的！買返個mask 返酒店fu 吓先！順手買埋嘢飲先！
[AdSense-A]
之後就出發到溫泉旅館，今次住呢間琴平花壇位於山腰區，想知間旅館點？即去傳送門！
浸完溫泉再嘆個溫泉晚餐，再浸多次溫泉先訓！
浸完溫泉飲返杯！
之後返房繼續宵夜！
第二日行程
由於颱風下午會最接近高松，所以早上去咗鳴門睇漩渦先！(出發前都問咗酒店職員可否幫忙打電話確認是否可以前往先出發)
由琴平花壇去鳴門大約1.5 小時，由鳴門碼出返市區大約15分鐘，由於未夠鐘，小編去咗市中心食個lunch 先，路上見到間小店買手信比起碼頭平最少 JPY 200 以上，精明嘅小編緊喺識做啦！
以下喺碼頭見到嘅手信，日本德島縣最出名嘅喺日本蕃薯「鳴門金時」，肉色金黃，味道如栗子一樣鬆軟香甜！日本蕃薯「鳴門金時」利用日本鳴門海峽嘅砂地栽培而成加上德島縣氣候溫暖，降雨量少，砂地含有大海礦物成分，所以令到蕃薯香甜而且糖度超高又含豐富膳食纖維同埋各種維他命！
Lunch 見有間好多人排隊嘅拉麵店就入咗去食啦！
拉麵 JPY 700﹑溫泉蛋泡菜飯 JPY 500﹑餃子JPY 200
[AdSense-B]
鳴門漩渦位於瀨戶內海和太平洋之間，海裏出現一個個100%天然漩渦，喺一個純天然自然現象，如果天時地利配合得到嘅話，漩渦直徑最大可達20米！鳴門漩渦喺四國德島縣鳴門市最東面，喺連接淡路島鳴門大橋下，鳴門海峽海面上嘅漩渦。鳴門市同淡路島相連，再連接神戶和大阪，所以由大阪出發去睇鳴門漩渦都得。
鳴門漩渦點形成？
鳴門漩渦受深淺海流互相影響形成，鳴門海峽最中間位置，水深約100米，海流快又急；但由於兩岸喺屬於淺灘地形，海流慢；當快海流遇上慢海流，再加埋潮汐漲退，就會形成呢個鳴門漩渦啦！
鳴門觀潮船官網有齊哂時間表及最佳觀賞時間，去到票務站職員都會建議咩時間睇最適合，只要開船前10分鐘到碼頭就得架啦！
鳴門觀潮船
電話：088-687-0101（8:00～17:00）
地址：〒772-0053 徳島県鳴門市鳴門町土佐泊浦字大毛264-1
去完鳴門漩渦，就返咗酒店附近嘅商店街 – 南新町行下，入面有藥妝店﹑7-11﹑餐廳﹑Daiso，滿足哂您嘅需要！
喺7-11見到呢個珍珠奶茶，買咗嚟試，伏了，勇者們可以一試！
晚飯就揸車去咗JPY 100 壽司店，碟碟JPY 100，同香港元氣一樣都喺用機點餐！質素當然很好～
くら寿司
地址： 539-1 Kamitenjincho, Takamatsu, Kagawa Prefecture 761-8056日本
去藥妝店掃貨，小編差唔多買哂成個Chifure系列返嚟，日本妹子對呢個牌子讚口不絕，CP值高，同埋堅好保濕！
